Kiơ̆ kơ ‘nŏh, ‘măng hop akŏm mă 8 Jơnŭm pơgơ̆r kon pơlei dêh char Lâm Đồng jăl X drơ̆ng nơ̆r hăm hla ar chih roi tơbăt bơngai jang păng dôm bơngai tang măt Jơnŭm pơgơ̆r kon pơlei tăh kơphĭu pôk rơih dơ̆ng kơchư̆k Phŏ Kơdră vei lăng kon pơlei dêh char jăl X đơ̆ng 2021-2026. Ƀok Võ Ngọc Hiệp, Kơdră Anih MTTQVN dêh char Lâm Đồng đei pôk pơm kơchư̆k ‘nâu, hăm 54/55 kơphĭu tơgŭm.

Đơ̆ng sơnăm 2010 truh dang ei, ƀok Võ Ngọc Hiệp hlôi iŏk jang lơ kơchư̆k nhen: Kơdră vei lăng kon pơlei plt Đà Lạt, Kơdră Anih vei lăng jang kơmăy, tĕch mơdro dêh char Lâm Đồng păng Kơdră Anih MTTQVN dêh char Lâm Đồng. Kŭm hăm tơdrong pôk dơ̆ng bơngai pơm Phŏ Kơdră vei lăng kon pơlei dêh char, dôm bơngai tang măt Jơnŭm pơgơ̆r kon pơlei dêh char Lâm Đồng oei drơ̆ng nơ̆r ăn Hla ar chih tơroi, Tơdrong tơchơ̆t asong pơdơ̆h jang hăm 1,2 ‘nu bơngai tang măt kiơ̆ tơdrong ‘mĕh vă đơ̆ng kơdih păng kiơ̆ nơ̆r athei pôk hơtŏk bơngai jang trŏ tơdrong hơgăt.