VOV4. Bahnar - Tơ̆ Dơnŏ anĭh bơ̆ jang Trung ương Đảng, Dơnŏ anĭh chĕp pơgơ̆r Trung ương găh vei lăng ƀiên chê̆ hlôi pơgơ̆r Hop akŏm mă ƀar. Ƀok Võ Văn Thưởng, Kơdră Dơnŏ anĭh chep pơgơ̆r Trung ương găh vei lăng ƀiên chê̆ sơkơ̆t hơdăh, bơ̆ jang vei lăng ƀiên chê̆, jang kiơ̆ tơjur ƀiên chê̆ păng pơjing trong jang hơdăh ‘nŏh jing tơdrong tĭh tên, tôch gĭt kăl, kăl atŏk kơtang bơ̆ jang chĭnh trĭ, kăl hơlen păng jang kiơ̆ ƀlep Tơdrong tơchơ̆t đơ̆ng Đảng, mă kăl Tơdrong tơchơ̆t Pơm lêh hop akom mă XIII.

Tơdrong jang pơm kơ toei măt bơngai jang ƀiên chê̆ kăl dăr lăng hơlen tơdrong bơ̆ jang, tơdrong jang, hơmet ming hơnĭh jang,atŏk kơtang bơ̆ jang ‘lơ̆ng khŭl kang ƀô̆; pơm keh đang hơlen hơdăh tơdrong jang, hơmet ming jên khei, hơmet ming trong bơ̆ jang; atŏk kơtang pơjao tơdrong jang kiơ̆ kơchư̆k lơ̆m vei lăng ƀiên chê̆, lơ̆m au atŏk kơtang tơdrong gơ̆h jang păng sơđơ̆ng tôm tong, lei lăi dĭh băl lơ̆m bơ̆ jang vei lăng ƀiên chê̆ tơ̆ tơring.

Tơblơ̆ nơ̆r: Amazưt