Iung pơma pơgơ̆r hop akŏm, ƀok Võ Văn Thưởng tơroi rơđăh, tơ̆ hơnăp kơnh, tơdrong apŭng plĕnh teh păng lơ̆m teh đak đei dôm tơdrong hiôk păng long nol, tơdrong ‘lơ̆ng păng mơ mat tat hơdai băl, hơnăp jang tơlĕch ăn tơdrong jang tơbôl ‘noh tôch kơ tih.

Kiơ̆ lơ̆m tơdrong ‘noh, ƀok Võ Văn Thưởng athei Anih jang tơbôl Trung ương kăl hơnơ̆ng vei kơjăp, pơgơ̆r tơlĕch jang đei yua trong jang tơbôl đơ̆ng hop akŏm XIII păng dôm tơdrong tơchơ̆t đơ̆ng Anih tơm Chĭnh trĭ păng Ban Bí thư ƀơm truh tơdrong jang tơbôl, mă hơdăh ‘lơ̆ng dôm tơdrong jang, trong tơlĕch jang mă lăp hăm yan âu. Hơdai hăm lăng kăl tơdrong jang tơgŭm, pơtrŭt tơdrong pơvei hăm dôm teh đak hơnơ̆ng yak jrŭ, sơ đơ̆ng, tơpă, kơjăp đunh đai.