VOV4.Bahnar - Pơgê năr 22/6, tơ̆ Hà Nội, Khŭl kơdră chĕp pơgơ̆r Ban Bí thư Trung ương Đảng pơgơ̆r Hop akŏm tơlĕch jang kiơ̆ tơdrong tơchơ̆t kơsô̆ 15 năr 5/5/2022 kơ Dơnŏ anih tơm Chĭnh trĭ găh trong vă jang, tơdrong jang atŏk tơ iung Hơnĭh tơm Hà Nội trŭh sơnăm 2030, lăng trŭh sơnăm 2045. Iung pơma tơ̆ Hop akŏm, ƀok Võ Văn Thưởng sơkơ̆t hơdăh, Tơdrong tơchơ̆t 15 hlôi pơma tơbăt hơdăh trong bơ̆ jang kăl vă atŏk tơ iung Hơnĭh tơm Hà Nội trŭh sơnăm 2030, lăng trŭh sơnăm 2045, ‘moi kiơ̆ nơ̆r tơgop đơ̆ng rim Hơnĭh tơm, hơnĭh bơ̆ jang, tơring pơma dơnŭh tơ̆ hop akŏm, ƀok Võ Văn Thưởng athei Dơnŏ anĭh Đảng, pơlei tơm Hà Nội kăl pơgơ̆r ăn kang ƀô̆, bơngai jang đảng păng kon pơlei chă tơchĕng hơlen hŏk pơhrăm, tơlĕch jang kơ jăp dôm tơdrong lơ̆m tơchơ̆t, atŏk kơtang bơ̆ jang tơƀô̆h tơbăt, đơ̆ng nŏh atŏk kơtang tơdrong hlôh vao găh hơnih dơ̆ng, hơnăp jang kăl lơ̆m atŏk tơ iung Hà Nội dôm sơnăm kơnh. ‘Ngoăih kơ ‘nŏh, Pơlei tơm jei kăl chă hơvơn iung jang kơtang đơ̆ng rim hơnĭh, tơdrong rơvơn kơ Hơnih tơm atŭm hăm pơ đĭ lơ̆m tĕh đak păng đơ̆ng tĕh đak đe tơ iung pơjing păng atŏk tơ iung hơnĭh tơm gơ̆h hơgei oei sa ‘lơ̆ng tơgăl jing Hơnĭh tơm jang chĭnh trĭ bơ̆ jang tĕh đak, plei nuih kơ tĕh đak.

Tơblơ̆ nơ̆r: Amazưt