VOV4.Bahnar – Kon pơlei jang mir păng anih jang mu\k drăm tơ\ tơring Tây Nguyên to\k bo\k oei tơroh jang pơjing dôm tơring pơtăm 'long xa plei 'long, đei axong kơso# pơkăp hơnăn hăm tơdrong vei jang xơđơ\ng 'lơ\ng, drơ\ng minh găh tơmam drăm. Trong jang âu to\k bo\k pơyua tơnăp ăn kon pơlei jang mir păng dôm anih jang mu\k drăm te\ch tơmam ăn teh đak đe, hơto\k choh jang xa kiơ\ trong pơkăp 'nao, hăm kơjă kơjung păng kơjăp xơđơ\ng.

          Dêh char Lâm Đồng dang ei đei pơhlom 10.000 ha sâu riêng păng âu jing minh lơ\m dôm tơmam choh pơtăm đei kơjă kăp kơ tơring. {ok Võ Hữu Long – Kơdră Ko\ng ti Pơm tơle\ch păng te\ch pơdro Long Thủy, xăh Lộc An, apu\ng Bảo Lâm, dêh char Lâm Đồng ăn tơbăt, tơring te\ch tơle\ch plei sâu riêng dang ei noh xơđơ\ng, mă lei kơjă hơdre\ch plei 'long kăp g^t âu roi năr kơjung păng xơđơ\ng [ơ\t tơring pơtăm đei chih kơso# pơkăp tơring pơtăm, hơdăh lơ\m pơkăp pơtăm, vei lăng, pe\ yua, 'nu\ng tơmam pơm tơle\ch. Mă kăl, hăm tơdrong đei axong kơso# pơkăp tơring pơtăm, anih jang mu\k drăm hlôi gơh te\ch dơnơm pơyua lơ ăn bơngai pơtăm păng anih jang mu\k drăm: “Kơso# pơkăp tơring pơtăm hlôi đei axong, VietGAP tôm bơih, ăh inh pơkăp mă đei hla bar te\ch ăn teh đak đe noh kơjă inh răt pơtêng hăm tơring noh kăp hloh đơ\ng 15-20 rơbâu hlj. Hăm dôm hơgăt pơtăm mă đei axong kơso# pơkăp, hlôi jang hadoi lơ\m trong pơkăp jang kơ po noh âu ki đei k^ pơkăp truh 6.000 ta#n”

        Pơjing tơring pơtăm kiơ\ pơkăp tơguăt băl duh to\k bo\k đei hơto\k pran tơ\ dêh char Đăk Nông hăm lơ tơmam plei 'long xa nhen sâu riêng, chăn hroi, pơ o\, plei [ơr. Lơ tơring pơtăm lơ\m dêh char duh hlôi đei axong kơso# pơkăp tơring pơtăm vă 'măn te\ch ăn teh đak đe. {ok Bùi Phú Tôn, Kơdră Ko\ng ti te\ch răt tơmam drăm hăm teh đak đe Nghiệp Xuân, xăh Đăk Nia, pơlei tơm Gia Nghĩa, dêh char Đăk Nông ăn tơbăt, hăm tơdrong tơguăt pơm jang, rim tơmam pơm tơle\ch đơ\ng ko\ng ti noh 'lơ\ng păng drơ\ng minh, pơyua kăp g^t [ơ\t te\ch ăn teh đak đe: “Tơring te\ch răt pơkăl athei te\ch tơmam ăn teh đak đe kiơ\ pơkăp tơm. Te\ch kiơ\ pơkăp tơm noh pơkăl athei đei kơso# pơkăp tơring pơtăm, kơso# pơkăp anih 'nu\ng tơmam kiơ\ tơchơ\t hơdăh, ưh kơs^ pơkăp ie\ nhen adrol ki ôh”

        Yă Nguyễn Thị Tình, Pho\ Kơdră Anih Choh jang xa păng Hơto\k tơring tơrang dêh char Đăk Nông ăn tơbăt, truh dang ei Anih tơm vei lăng 'long pơtăm hlôi axong ăn dêh char 38 kơso# pơkăp tơring pơtăm păng anih 'nu\ng tơmam pơm tơle\ch. Vă đei jơnei tro\ hăm pơkăp đei axong kơso# pơkăp tơring pơtăm, pơkăl kon pơlei athei tơplih trong pơm jang, hơlen tơchơ\t pơ 'lơ\ng, mă kăl noh hơlen găh kon char kơmar pơrăm kơne#. Hăm tơdrong axong kơso# pơkăp tơring pơtăm, minh [ar tơmam plei 'long xa kơ dêh char hlôi te\ch ăn teh đak đe kiơ\ pơkăp tơm hăm kơso# lơ hloh, kơjă kăp hloh păng kon pơlei đei yua lơ hloh. Jing dêh char đei mu\k drăm hăm choh jang xa pran, Đăk Nông to\k bo\k ako\m hơto\k pran tơguăt pơjing tơring pơtăm đei kơso# pơkăp hơdăh: “Vă pơjing đei tơring pơtăm noh tơguăt hăm dih băl pơjing trong jang tơroh, vă pơjing tơring pơtăm gơh xơđơ\ng 'lơ\ng vă hơlen băt tơm a hla chă. Tơdrong kăp g^t kơ tơring pơkăp noh bơ\n gô băt 'long pơtăm noh pơtăm tơ\ yơ, bơngai yơ to\k bo\k oei pơm jang kiơ\ pơkăp yơ, hăm đei rơgoh tơmam drăm dăh mă ưh. Lơ\m tơring kơ dêh char noh Anih jang Kơpal dêh char truh Anih vei lăng kon pơlei dêh char hlôi đei lơ pơgơ\r jang găh tơdrong âu. Lơ\m tơdrong vih hơmet hơto\k tơdrong choh pơtăm noh adoi xơkơ\t hơ 'nhăk tơguăt jang vă pơjing tơring pơtăm 'long pơnăn gơh xơđơ\ng, kơjăp 'măn ăn tơdrong jang pơm tơle\ch tơmam xa duh nhen vă te\ch ăn teh đak đe ning nai kơnh”

        Tơring pơtăm đei kơso# pơkăp hăm tơdrong jang vei xơđơ\ng rơgoh 'lơ\ng to\k bo\k pơyua lơ ăn kon pơlei jang mir păng dôm anih jang mu\k drăm te\ch ăn teh đak đe tơmam choh pơtăm tơ\ Tây Nguyên. Tơdrong âu to\k bo\k oei pơtoi đei dôm tơring tơre\k hơto\k vă gơh hơ 'nhăk tơmam choh pơtăm dơnơm gơh te\ch tơle\ch lơ\m kơpal teh.

Lan chih păng pơre nơ\r