Tơ̆ dôm ‘măng tơƀơ̆p pơma dơnuh, bơngai tăh hla dêh char Dak nông tơƀôh đon chhôk hơ iă găh pơtôch ‘Măng hop akŏm mă 4, Kuôk hô̆i jăl XV, hơdai hăm lăng ‘lơ̆ng hơnăp jang đơ̆ng khŭl tang măt kơ dêh char ƀơ̆t vang pơma dơnuh, tơgop nơ̆r păng apĭnh jet tơ̆ hơnih hop akŏm Kuôk hô̆i.

Hop akŏm tơƀơ̆p pơma dơnuh hăm bơngai tăh hla tơ̆ Dak Nông

Bơngai tăh hla ‘meh vă Luơ̆t teh (hơmet ming) vă jê̆ truh kơnh kăl kơ vei sơđơ̆ng lăp ‘lơ̆ng tơdrong đei yua đơ̆ng teh đak, kon pơlei, anih jang mơdro sa, hơmet pơ ‘lơ̆ng dôm tơdrong ưh kơ ‘lơ̆ng nhen iŏk pơdreo teh vă pơyua ăn dôm tơdrong jang tam mă jê̆ hăm kơjă anih tĕch mơdro, pơm ưh kơ ‘lơ̆ng ăn kon pơlei. Lơ̆m tơdrong jang tang găn sa pơgơ̆m pơjĭp, bơngai tăh hla ‘meh vă dêh char Dak Nông kăl kơ tŭn pran hloh dơ̆ng vă hơmet pơ ‘lơ̆ng pơ tôch dôm tơdrong đei ƀôh tơ̆ tơring.