Tơ̆ dôm hop akŏm, dôm bơngai lĕch pơjei roi tơbăt tơdrong vă jang đơ̆ng kơdih, hăm đon tôch tơnăp, akŏm găh dôm tơdrong mă bơngai tăh hla pơngơ̆t truh nhen atŏk tơiung choh jang xa kơjăp ‘lơ̆ng tơklep hăm jang mŭk drăm rơgoh; vei lăng, iŏk yoa teh mă ‘lơ̆ng; tơlĕch jên pơm trong, chô̆ unh điên, đak tơ̆ tơring; hơtŏk tơdrong ‘lơ̆ng đơ̆ng pơtho hŏk pơhrăm, vei lăng jơhngâm pran ăn Kon pơlei; hơmet ming trong pơm hla ar, tơplih hăm kơmăy sô̆.

Lơ bơngai lĕch pơjei pơma hơdăh vă vei kơjăp tơdrong bơ̆ jang, oei xa jê̆ bơngai tăh hla, hơnơ̆ng răp mơ̆ng păng roi tơbăt tơpăt ‘lơ̆ng dôm tơdrong ‘mĕh vă đơ̆ng kon pơlei. Dôm ‘măng hop akŏm đei pơgơ̆r ‘lơ̆ng hơiă, sơng đei lơ bơngai tăh hla truh. Lơ bơngai tăh hla tơchĕng ‘lơ̆ng tơdrong hơmet ming rim tơdrong đơ̆ng bơngai lĕch pơjei pơm bơngai tang măt.