Bơngai tang măt Kuô̆k hô̆i athei pơm hơtŏk sơnăm ‘lŏ gơh chă et hơ̆t
Thứ ba, 10:07, 10/11/2026
VOV/Amazưt tơblơ̆
VOV/Amazưt tơblơ̆
VOV.Bahnar - Hơnơ̆ng ‘măng hop akŏm mă 2, kơsơ̆ năr 9/11, Kuô̆k hô̆i pơma dơnuh tơ̆ hơnih hop akŏm găh tơdrong vă pơjing Khôi luơ̆t hơmet ming tơmơ̆t dơ̆ng mĭnh ƀar apăng kơ Khôi luơ̆t hơ ioh, Khôi luơ̆t bơngai jo jăn, Khôi luơ̆t Khăm jĭ, ming hơmet jĭ, Khôi luơ̆t Pơgang hơmet jĭ, Khôi luơ̆t Bơngai ‘lŏ kră păng Khôi luơ̆t ƀao hiêm hơmet jĭ jăn păng tơdrong vă pơjing Khôi luơ̆t hơmet ming, tơmơ̆t dơ̆ng mĭnh ƀar apăng Khôi luơ̆t tang găn hơlou, tơjră tang găn tơdrong pơm pơrăm đơ̆ng hơ̆t.
Tơdrong mă lơ bơngai tang măt lăng truh hloh ‘noh găh sơnăm bơngai gơh răt, et hơ̆t. Tơbăt hơdăh kơsô̆ rim sơnăm 100.000 ‘nu bơngai lôch kơ yuơ ‘nhui hơ̆t; kư̆ kă 100 ‘nu bơngai Việt Nam ‘noh đei 1 ‘nu bơngai lôch kơ yuơ ‘nhui hơ̆t, mĭnh ƀar ‘nu bơngai tang măt pơma tơbăt nơ̆r tơgop pơm hơtŏk sơnăm bơngai gơh răt hơ̆t ‘noh 21 sơnăm, iŏk đơ̆ng sơnăm 2028. Dang ei hlôi đei 16 teh đak lơ̆m apŭng plĕnh teh pơm kiơ̆ tơdrong tơchơ̆t ou. Rim bơngai tang măt jei lăp đon hăm tơdrong tơchơ̆t ưh kơ tĕch hơ̆t kiơ̆ lơ̆m điên tư. Tơgop nơ̆r 1 khôi luơ̆t hơmet 6 khôi luơ̆t lơ̆m tơdrong bơ̆ jang pơgang, rim bơngai tang măt athei đei trong tơchơ̆t hơdăh tôm tong, tơƀôh hơdăh kơjă pơgang păng tơmam drăm bơ̆ jang pơgang.
Viết bình luận