Jơ pôk ăn Huy hiệu đei pơgơ̆r kơtă tơ̆ hnam yă Nguyễn Thị Xuyến, đảng viên tŏk bŏk hop akom lơ̆m Chi ƀô̆ koeng kơphô̆ 7, Đảng bộ phường 2 Bảo Lộc. Tơ̆ jơ pôk ăn, Kơdră chĕp pơgơ̆r Hơnih tơm xek tơlang Nguyễn Văn Quảng pơma hơdăh, Huy hiệu 80 sơnăm jang Đảng jĭ tơmam hơpăh tôch gĭt kăl, tơbăt hơdăh ăn mĭnh jơhngơ̆m đon ‘lơ̆ng păng tơgop tih tên hơnơ̆ng đơ̆ng bơngai đang viên. ‘Nou ưh khan lăp tơdrong hưch hanh hơmah bơnê kơ hơdrô̆ yă, ŭnh hnam mă oei jing tơdrong hưch hanh hơmanh bơnê kơ Đảng bộ, khul kơdră chĕp pơgơ̆r păng kon pơlei Lâm Đồng. Kơdră chĕp pơgơ̆r Hơnih tơm Xek tơlang hơpơi ‘meh vă yă Nguyễn Thị Xuyến ling lang pran jăng grăng akou, iung jang ‘lơ̆ng hơnăp jang pơm jŭk yŭk trong hơlou ăn rim jơhnơr kang ƀô̆, đang viên kiơ̆ yok rok jơ̆ng.