VOV4.Bahnar  -  Khei năr âu ki, lơ bơngai mơlôh tơ\ dêh char Gia Lai hlôi [ơm khul kơne# ko\ng nge# kao kiơ\ rok mạng internet pơhlu\, 'nhăk kơdâu truh Campuchia pơm jang lơ\m tơdrong pơhlu\ pơhlôm, đang kơ noh athei unh hnam pơtruh kơ hre\ng tr^u hlj vă chuk io\k 'nho\ng oh. Ko\ng ang dêh char Gia Lai tơroi hăm kon pơlei athei kơchăng hăm dôm tơdrong pơhlu\ 'nao đơ\ng khul pơm kơne# âu.

          Lơ\m rơnơh tơ\ kueng 4, th^ tra#n Kon Tơ\ng, apu\ng Mang Yang, dêh char Gia Lai, pơmai N.T.L đak măt jơjrơ\k [ơ\t tơbăt găh kon dro\nglo Đ.V.T (15 xơnăm) dang ei tam mă băt lôch erih thoi yơ.

Dôm tơdrong hơpơi chơ chă jên tơgu\m unh hnam, ăh je# đ^ khei 3 xơnăm âu, kiơ\ kơtơ\ng ang lơ\m mạng tơpôl, T. hao gre chơ tơmoi năm truh pơlei tơm Hồ Chí Minh, đang kơ noh đei minh khul bơngai ‘nhăk truh Campuchia bơ\ jang. Pơhlom ăh tong ane# khei 4, T. krao đie#n thoăi pơtruh nơ\r lơ\m zalo akhan, dôm bơngai tơ\ âu pơđep T. kiơ\ mạng tơpôl pơhlu\ bơngai Việt năm truh Campuchia bơ\ jang. Mưh keh kong, hăm rim ‘nu bơngai, T. gô đei kla truh 30 tr^u hlj.  

          10 năr đơ\ng ro\ng kơ noh, T. nhăn tin pơtruh hơvơn unh hnam gơih ăn 150 tr^u hlj lơ\m kơso# tai khoan đei hơnăn Quách Thanh Tùng vă oh gơh đei hơchăng bro\k.

Kơyuơ hin dơnuh, truh dang ei, klo hơkăn pơmai L. duh tam mă đei kơso# jên âu vă răt io\k kon vih: "Unh hnam tơnap tap, ưh đei jên gơih pơtruh, kon inh pơtruh nơ\r kiơ\ zalo noh găh to đe teh dong, tơmot măh 2 năr hloi. Dang ei gơnơm ko\ng ang Việt Nam, Campuchia, anih jang tang măt chă tơgu\m kon inh vih tơ\ Việt Nam xơđơ\ng" 

Trung tă Đinh Văn Sơn – Pho\ kơdră Anih vei Xơđơ\ng mạng păng Tang găn tơdrong pơm yoch yua kơmăi kơmo\k ‘nao (Ko\ng ang dêh char Gia Lai) ăn tơbăt, tam mă truh 6 khei blu\ng xơnăm 2022, anih hlôi io\k đei 43 tơdrong tơroi [ơm pơhlu\ kiơ\ mạng, hăm kơso# jên răm truh 26 tih hlj. ‘Nguaih kơ dôm tơdrong pơhlu\ adrol ki nhen io\k bơngai năm te\ch tơmam, hơvơn axong răt jên ưh đei tơpă, pơpơm kang [o# tơroi găh tơdrong hru\ ‘mong..., noh dang ei đei tơdrong pơhlu\ 'nao tơdui năm jang tơ\ Campuchia hăm jên khei jang rim khei đơ\ng 800 truh 1000 đôlar.

Kiơ\ tơroi tơbang đơ\ng minh [ar bơngai [ơm đe pơhlu\, ăh truh Campuchia, đe xư đei tơmơ\t erih lơ\m minh pôm hnam chu\ng kư kơyuơ bơngai Trung Quốc vei lăng. Tơdrong jang rim năr noh kiơ\ mạngt ơpôl krao đie#n thoăi vih Việt Nam pơhlu\ bơngai lơ\m teh đak hăm trong io\k bơngai jang te\ch tơmam, hơvơn axong jang, tơdui năm pơm jang tơ\ teh đak  Campuchia… Mưh ưh tôm pơkăp, đe xư gô [ơm phak hăm jên to\ xe\t jat noh 1000 đôlar, [ơm teh dong, tơmot đang kơ noh athei krao đie#n thoăi ăn unh hnam pơtruh jên răt tơvih. Đe xư đei tơ 'nglaih vih [ơ\t unh hnam hlôi pơtruh tôm kơ hre\ng tr^u hlj ăn đe xư vă răt dơh hơkâu po.

Trung tă Đinh Văn Sơn tơroi hăm kon pơlei athei kơchăng hăm dôm tơdrong hơvơn năm jang tơdrong jang hơ iơch lơ\m mạng internet, vă tang găn [ơm đe pơhlu\ pơhlôm đơ\ng khul pơm kơne#: “Kon pơlei kăl chă tơdrong jang, noh athei hơlen mă hơdăh, 'meh chă tơdrong jang tơ\ teh đak đe noh athei io\k đơ\ng dôm anih jang kơ Anih Axong jang Linh j^ rơka păng Tơpôl vă đei pơtho tơroi hơdăh. Unh hnam mă đei kon hơ ioh lơ\m xơnăm oei pơm jang noh kăl tơroi, tơguăt tơgu\m vă chă tơdrong jang tro\ [lep, tang găn [ơm khul kơne# pơhlu\ pơhlôm năm jang tơdrong ưh kơ tro\".

Lan chih păng pơre nơ\r