Tơ̆ Hop akom tơƀơ̆p pơma dơnuh hăm bơngai tăh hla, Khul tang măt Kuô̆k hô̆i dêh char Lâm Đồng hlôi tơroi tơbăt ăn bơngai tăh hla găh pơtôch ‘Măng hop akom hăt hot mă blŭng păng dôm trong pơgơ̆r Hop akŏm ‘Măng mă 2, Kuô̆k hô̆i jăl XVI; tơroi tơbăt pơtôch hơmet pơ ‘lơ̆ng dom nơ̆r athei đơ̆ng bơngai tăh hla ‘moi kiơ̆ rim ‘măng tơƀơ̆p hơdrol đơ̆ng rim hơnih bơ̆ jang. Pơma dơnuh hăm bơngai tăh hla phương Lâm Viên- Đà Lạt, Bí thư Trung ương Đảng, Chánh án Hơnih tơm Xek tơlang Teh đak Nguyễn Văn Quảng tơl tơblang hloi dôm nơ̆r pơma tơbăt athei đơ̆ng bơngai tăh hla. Adoi sơkơ̆t hơdăh, rim nơ̆r tơgop đơ̆ng bơngai tăh hla gô chih akŏm pơtruh ăn kơdră kơpal tơl hơdăh, xek tơlang păng mă kăl Kuô̆k hô̆i gô lăng hơlen kơjăp tơdrong ‘nou.