Tơgoăt iŏk nơ̆r tơgop đơ̆ng Khul dăr lăng, lăng hơlen, Thủ tướng teh đak Lê Minh Hưng pơma hơdăh đơ̆ng rŏng jơ bơ̆ jang, Khul kơdră chĕp pơgơ̆r Đảng kơ Khul kơdră chĕp pơgơ̆r Teh đak dăr lăng đĭ đăng rim nơ̆r athei, tơ iung pơjing trong pơprŏ jang hơdăh, lơ̆m ou tơmơ̆t dơ̆ng dôm tơdrong kăl lơ̆m bơ̆ jang dăr lăng lăng hơlen đơ̆ng Hơnih bơ̆ jang Đảng Khul kơdră chĕp pơgơ̆r Teh đak; pơm pơkeh tĕnh koăng, tôm tong trong bơ̆ jang ‘nao đơ̆ng Đảng lơ̆m rim tơdrong. Thủ tướng athei hơnơ̆ng chă tơchĕng pơm pơkeh rim tơdrong tơdrong tơchơ̆t găh tơdrong bơ̆ jang, tơdrong đei ƀơm truh bơ̆ jang kơ rim đang uy ‘nao pơjing; hơnơ̆ng pơm pơkeh trong bơ̆ jang lăng hơlen kang ƀô̆, tơtom tơplih jang păng pơtruh jang kang ƀô̆, hơlen ‘moi kiơ̆ pơtôch dôm tơdrong jang kiơ̆ păng hrôih pơm pơkeh tơdrong tơchơ̆t găh ƀiên chê̆, hơnăp jang.