Sơng pơma dơnuh hăm ƀok Troy Rohrbaugh, Kơdră chĕp pơgơ̆r lơ̆m plei teh Hơnih mong jên hu JPMorgan Chase, Tổng Bí thư, Kơdră chĕp pơgơ̆r Teh đak Tô Lâm hôn bơnê kơtang dôm tơdrong tơgop đơ̆ng Hơnih mong jên lơ̆m pơchoh trong, tơgum djru Khul kơdră chĕp pơgơ̆r păng hơnih mơdro sa Việt Nam hơvơn kon jên jang apŭng plĕnh teh. Tổng Bí thư, Kơdră chĕp pơgơ̆r Teh đak athei JPMorgan Chase hơnơ̆ng tơgŭm djru Việt Nam sơng iŏk đei jơnei rim kon jên jang apŭng plĕnh teh, tơƀôh tơbăt dôm tơdrong jang gơh găh atok tơ iung hơnih jang jên hu, vei lăng hre păng mong răk kon jên teh đak đe. Sơng pơma dơnuh hăm ƀok Robert Thomson, Kơ iĕng Kơdră chĕp pơgơ̆r Tơm dơnơm Grup jang Visa, Tổng Bí thư, Kơdră chĕp pơgơ̆r teh đak Tô Lâm hôn bơnê kơtang hloh 30 sơnăm Visa yak hơdoi hăm hơnih jang Việt Nam. Ƀar păh pơma dơnuh găh pơtrŭt kơtang kla ăn kon jên hu kiơ̆ kmăi kmŏk kơsô̆, tơplih kơsô̆, atŏk tơ iung mŭk drăm kơsô̆ păng tơgŭm djru hơnih mơdro sa iĕ păng păh ai. Tổng Bí thư, Kơdră chĕp pơgơ̆r Teh đak Tô Lâm ‘meh vă rim grup jang hơnơ̆ng yak hơdoi, tơgop lơ̆m hơvơn kon jên hu ‘lơ̆ng hơ iă, pơtrŭt kơtang tơplih ‘nao tơchăr păng tơplih kơsô̆ tơ̆ Việt Nam.