Bơngai tăh hla tơroi tơbăt trong nơnăm pơvih pơvăn ăn choh jang sa tim mă gan ‘lơ̆ng lei lăi, lơ jăl trong năm tơ̆ chŭn mir tơ̆ bro tơring Đà Lạt, Đơn Dương, Đức Trọng oei iĕ ioch, pơm ăn tơmam drăm choh jang sa chă chơ pơdŭ lơ ‘măng, pơm tơhoach lơ kon jên păng pơm kơnê̆ truh tơdrong ‘lơ̆ng. Bơngai tăh hla athei lăng ba kơjăp trong nơnăm choh jang sa, atŏk tơ iung tơdrong jang logistics tơjê̆ Cham gre păr Apŭng plĕnh teh Liên Khương, pơjing rơvơn ăn ba tơmam drăm choh jang sa truh hăm rim hơnih tĕch răt lơ. Ƀok Nguyễn Văn Quảng hôn bơnê rim nơ̆r tơgop tơpăt, adoi athei atŏk kơtang dăr lăng, hơmet pơ ‘lơ̆ng tơhlăk tơhlĭn găh hrŭ ăn, iŏk tơvih teh hăm rim hơnih jang ming man trong iung jang hiơ hiơ̆.