VOV4.Bahnar - Pơ gê ‘năr 25/1 tơ̆ Anih bơ̆ jang kơ Khŭl kơ dră teh đak, Bí thư Trung ương Đảng, Phŏ Thủ tướng Lê Minh Khái pơ gơ̆r ‘măng hop akŏm hăm rim anih tơm, anih jang, ăn tơ gop nơ̆r chih pơ keh hla ar tơ chơ̆t đơ̆ng Khŭl kơ dră teh đak găh tơ drong jang tơ iung ming dơ̆ng, hơ tŏk tơ iung mŭk drăm - tơ pôl. Pơ tôch ‘măng hop akŏm, Phŏ Thủ tướng Lê Minh Khái athei Anih tơm tơ lĕch nơ̆r sơ kơ̆t păng tơ mơ̆t jên jang hơ nơ̆ng chih iŏk nơ̆r tơ gop đơ̆ng rim anih tơm, anih jang, chih pơ keh hla ar tơ chơ̆t, dăr hơ len dôm bơ ngai teh đak tơ gŭm, tơ chĕng hơ len tơ drong tơ mơ̆t dơ̆ng bơ ngai tơ gŭm mă lăp. Phŏ Thủ tướng tơ tă, tơ drong pơ gơ̆r tơ lĕch jang, dôm trong jang athei ‘lơ̆ng, ƀlep kiơ̆ Pơ tôch đơ̆ng Anih tơm Chĭnh trĭ păng Tơ chơ̆t đơ̆ng Kuôk hô̆i, yua kơ ‘nâu jĭ tơ drong tih hăm akŏp jên jang vă jê̆ 350 rơ bâu ti hlak jên, lơ hơ năp jang athei jang hơ dai hrĕnh hăm tơ lĕch trong jang tơ mơ̆t jên jang teh đak păh lăp khei ‘năr. Tơ chơ̆t athei hơ găt rơ đăh, tơ drong jang kiơ̆ trong jang tơ gŭm athei vei sơ đơ̆ng ưh kơ lê̆ đei ƀôh pơm glăi.

Thuem: Tơ blơ̆