Kiơ̆ tơdrong tơchơ̆t đơ̆ng Kơdră teh đak, ƀok Lương Đình Chung, Bí thư Đảng, Chính ủy Quân khu 5 đei hơtŏk kơlong đơ̆ng Đại tá jing Thiếu tướng. Tang măt ăn Quân ủy Trung ương, Anih tơm vei lăng khul linh teh đak, Đại tướng Phan Văn Giang pơjao tơdrong tơchơ̆t, hơpăh pơkao hơiă hăm Thiếu tướng Lương Đình Chung.

Tơdrong ƀok Lương Đình Chung đei tŏk kơlong Thiếu tướng tơƀôh hơdăh tơdrong tơchĕng ‘lơ̆ng đơ̆ng Đảng, Teh đak păng khul linh hăm tơdrong plang pơyơ̆r, tơdrong tơgop tih tên đơ̆ng ƀok lơ̆m khei ‘năr bơ̆ jang, mă loi ‘nŏh găh tơdrong chĕp kơ̆l pơgơ̆r, pơjing khul linh Quân khu 5 pran kơtang tôm tơdrong “gơ̆h hơgei, ‘lơ̆ng hơiă”, vang tơgop ăn tơdrong pơjing Khul linh kon pơlei Việt Nam kăch mang, gơh hơgei, kơtang nuih mơng, vei kơjăo ‘lơ̆ng teh đak Việt Nam xã hội chủ nghĩa.