VOV4.Bahnar - Pơgê năr 14/8, Dơnŏ anĭh mong răk mŭk drăm Dak Lăk iung jang hơdoi hăm Khŭl vei rong pơkao lan bri Việt Nam, Dơno anĭh tơm chă tơchĕng hơlen Kmăi kmŏk sinh hŏk păng Cham char kơ Hnam trương đăi hŏk Tây Nguyên, păng mĭnh ƀar hơnĭh jang pơgơ̆r Tơdrong jang “Hơnhăk pơkao lan vĭh hơlơ̆k hăm cham char”, iung jang chô̆ pơtăm hlŏh 3.000 dơnơm pơkao lan tơ̆ dơnơm ‘long lơ̆m Pơgar Dơnŏ anĭh mong răk Mŭk drăm Dak Lăk păng Hơnĭh gru gra gĭt kăl dăr sơnăm tĕh đak kơsô̆ 4 Nguyễn Du (ngăl krao akhan Biệt Điện Bảo Đại).

Chô̆ pơtăm 3.000 dơnơm pơkao lan tơ̆ rim dơnơm ‘long

Ƀok Phan Xuân Thủy, Kơdră chĕp pơgơ̆r Khul hưch hanh pơkao lan bri Việt Nam, tơbăt, đơ̆ng dang ei trŭh vă đĭ sơnăm, tơdrong jang au gô iung pơgơ̆r pă dang 3 ‘măng, iung jang chô̆ pơtăm pơkao lan tơ̆ rim dơnơm ‘long lơ̆m Pơgar Dơnŏ anĭh mong răk mŭk drăm Dak Lăk (pơlei tơm Buôn Ma Thuột) păng hơnhăk pơkao lan vĭh hăm bri Tĕh đak Yok Đôn, hăm ‘mĕh vă vang vei răk tơƀăk mong hơdrech pơkao lan gĭt kăl lơ̆m bri brăh adoi nhen tơgŭm ăn tơmoi đei chă lăng ‘lơ̆ng kơ măt kơ groi tĕh Dak Lăk.

Tơblơ̆ nơ̆r: Amazưt