Tơdrong 'nâu đei pơgơ̆r tơ̆ xăh Ea Knuếc, tơring pơtăm sầu riêng tơm kơ dêh char Đắk Lắk. Tơdrong hơiă tơ̆ năr pơgơ̆r âu jĭ tơdrong sơng “Yă pơtao sầu riêng” đơ̆ng tơm 'long tih vih tơ̆ anih pơm lêh. Tơdrong soi apinh yang tơjur ăn kon pơlei arih xa phĭ tơtŏ dơnŏ 'lơ̆ng đơ̆ng bơngai Rađe kŭm đei pơgơ̆r, pơtruh tơdrong hơpơi 'mĕh jang xa hiôk hian, 'năr rŏ tŏ hơlăng, sầu riêng đei plei lơ, tĕch đei yă, kon pơlei hiôk jơnap.

Lơ tơdrong jang tơ̆ “Ea Knuếc mât lơ̆m pơyan phĕ” oei pơgơ̆r hloi kơchơ tĕch tơmam, pơdă tơmam OCOP, tơmam đơ̆ng choh jang đei, tơmam xa, năm dăr lăng tơ̆ pơgar păng livestream roi tơbăt sầu riêng lơ̆m kơmăy sô̆. Kiơ̆ đơ̆ng noh, tơdrong Lêh Sầu riêng Đắk Lắk hlôi păr truh tơ̆ rim tơring pơtăm, chông ba kon pơlei, bơngai chă tơmang lăng păng bơngai pơdro truh jê̆ ƀiơ̆ hăm bơngai pơtăm. Xăh Ea Knuếc dang ei jĭ 1 lơ̆m dôm tơring pơtăm sầu riêng xă hlŏh kơ dêh char Đắk Lắk hăm dang 6.000 ha, hloh 2.800 ha đei plei, plei jô̆ pơhlom hlŏh 70.000 tấn, akŏm đĭ đăng đei kơjă dang 4.000 ti hlak jên.