Adrol kơ ‘nŏh, pơgê hei, Quốc hội drơ̆ng nơ̆r ăn 03 khôi luơ̆t, 08 Tơdrong tơchơ̆t. Quốc hội drơ̆ng nơ̆r ăn Tơdrong tơchơ̆t đơ̆ng Quốc hội găh tơdrong tang găn tơdrong yoch păng pơm glăi luơ̆t, tơdrong jang đơ̆ng Anih dăr hơlen kon pơlei, đơ̆ng Anih sek tơlang păng tơdrong pơm kiơ̆ nơ̆r sek tơlang (tơplih ăn Tơdrong tơchơ̆t kơsô̆ 96 đơ̆ng Quốc hội).

Quốc hội kŭm drơ̆ng nơ̆r ăn Tơdrong tơchơ̆t đơ̆ng Quốc hội găh tơjur thuê̆ jang xa đei iŏk yoa hăm rim bơngai, anih tĕch mơdro; Tơdrong tơchơ̆t đơ̆ng Quốc hội găh Pleh lê̆ Tơdrong jang man hnam kơmăy unh điên hat nhân Ninh Thuận jing lơ tơdrong dơdih; Tơdrong tơchơ̆t đơ̆ng Quốc hội kĭ ăn trong tơmât jên jang ăn Tơdrong jang tơm kơ teh đak atŏk tơiung joh ayŏ kơ dŏ xoang, tơpôl, tơring tơrang, hơdrĕch kon kông păng tơring groi kông đơ̆ng 2026-2035. Drơ̆ng nơ̆r ăn 2 Tơdrong tơchơ̆t đơ̆ng Quốc hội găh pơjing plt Quảng Ninh; pơjing plt Bắc Ninh. Kơsơ̆ ‘nâu, Quốc hội drơ̆ng nơ̆r yơ̆t ti ăn 05 khôi luơ̆t, 03 tơdrong tơchơ̆t păng hôp jơ hôp mă hơtuch, pơtôch Hop akŏm ưh ê ‘măng mă mônh, Quốc hội jăl XVI.