Pơma hơdăh hơnăp jang pơjing hơnih hiôk ăn hơtŏk tơiung kơ 2 anih jang pơjing khôi luơ̆t, Kơdră Quốc hội Việt Nam athei 2 pah hơtŏk loi dơ̆ng jang hơdai athei, dăr hơlen tơdrong pơma đam, kĭ pơkăp păng tơlĕch jang dôm hla ar, tơdrong drơ̆ng nơ̆r ‘lơ̆ng nhen Tơdrong tơchơ̆t jang hơdai đơ̆ng 2 Khŭl kơdră teh đak, Tơdrong tơchơ̆t veh ver kơ iŏk thuê̆ 2 ‘măng păng Tơdrong tơchơ̆t pơtrŭt păng vei lăng tơgŭm tơmơ̆t jên jang.

2 păh drơ̆ng nơ̆r hơtŏk loi dơ̆ng pơma dơnuh, tơroi băl kơtơ̆ng ang, tơroi tơbăt tơtom dôm tơdrong jang tơgŭm ƀơm truh tĕch tơlĕch, răt tơmơ̆t đơ̆ng teh đak đe, sơng đei tơmơ̆t jên jang teh đak đe. Găh jang hơdai lơ pang, 2 kơdră chĕp kơ̆l pơma hơdăh 2 teh đak gô hơtŏk loi dơ̆ng pơma tơgŭm, hơnơ̆ng ‘măn ăn băl dôm tơdrong ‘mêm ‘lơ̆ng hơiă păng tơdrong tơgŭm kăp gĭt lơ̆m rim hop akŏm apŭng plĕnh teh, mă loi ‘noh jĭ dôm hop akŏm lơ pang nhen Jơnŭm Nghị viện Apŭng plĕnh teh (IPU), Jơnŭm Nghị viện Nơ̆r Phanglăng (APF).