Tơdrong hơmet ming Luơ̆t teh đei Khul kơdră teh đak tơlĕch hăm 7 grŭp tơm, lơ̆m noh kăl tơrek truh ‘nŏh jĭ tơdrong hơgăt găh jên hu păng yă teh. Kiơ̆ kơ ‘nŏh, yă teh yoa teh đak tơchơ̆t kiơ̆ đơ̆ng dôm tơdrong vă yoa teh thoi yơ, sơnăm yoa teh dang yơ, nơ̆r chih tơroi blŭng a păng dôm tơdrong hơgăt đơ̆ng luơ̆t đei ƀơm truh.

Kŭm hăm ‘nŏh, kơsô̆ chih răk găh teh gô đei tơmât lơ̆m kơmăy, pơtruh ăn rim anih jang, tơdrong jang. Tơdrong ‘nâu đei hơmĕng vang tơgop vei lăng ‘lơ̆ng teh, găn ƀiơ̆ tơdrong hơtŏk yă teh kư̆ kă, măk hlŏh tơdrong, atŭm hăm ‘nŏh vei lăng ‘lơ̆ng tơdrong tŏk yă đơ̆ng teh. Khul kơdră teh đak oei athei chih hơdăh tơdrong hơgăt găh yă teh păng kơsô̆ hơmet ming yă teh, pơih trong vă thu iŏk jên đơ̆ng teh; chih hơdăh kơjă kăp gĭt đơ̆ng tơdrong iŏk yoa teh mưh tơmât jên jang hơdoi lơ̆m anih jang kơ teh đak păng jên hrŭ 'mong mưh teh đak iŏk pơdreu teh.