Năm akŏm păng iung pơma ah lêh tơbang, Phŏ Kơdră Kuô̆k hô̆i Nguyễn Thị Thanh pơtruh nơ̆r hăm rim bơngai tang măt athei hơtŏk sơnong jang, dăp đon dăp bơnôh păng gơh hơgei vă pơtrŏ hăm tơdrong kăl jang 'nao lơ̆m chăl hơtŏk tơ-iung 'nao kơ teh đak. Phŏ Kơdră Kuô̆k hô̆i ră hơdah, bơngai tang măt ăn Kuô̆k hô̆i jĭ hơnih tơm lơ̆m rim tơdrong jang kơ Kuô̆k hô̆i, lơ̆m noh khul juăt jang jing khul jang tơm dơnơm.

Dang ei, tơdrong chih akŏm khôi luơ̆t roi năr roi kăl, athei hơlen lăng kiơ̆ chih akŏm luơ̆t mă kơđeh hơdah. Kơyuơ noh, rim bơngai tang măt athei kơchăng hơtŏk tơdrong hlôh vao păng hơnơ̆ng jing hơnih tơm kơ tơdrong tơplih 'nao. Kiơ̆ tơlĕch jang, 'nguaih kơ tơdrong chih akŏm luơ̆t păng hơlen lăng, rim sơnăm Grŭp jang gô pơgơ̆r dôm tơdrong juăt jang tơpă tơ̆ tơring vă băt hơdah tơdrong pơm jang chih akŏm khôi luơ̆t păng tơdrong hơpơi 'meh đơ̆ng kon pơlei.