Kơdră Kuô̆k hô̆i Trần Thanh Mẫn păng hơkăn ƀok yă Nguyễn Thị Thanh Nga năm lăng. Tơdrong pơdah joh ayŏ tơƀôh dơ̆ng tơdrong jang đơ̆ng pơyan Hla ruh Kăch mang sơnăm 1945, tơdrong iung jing kơ Kuô̆k hô̆i jăl 1 truh 80 sơnăm Kuô̆k hô̆i yak hơdoi hăm kon pơlei, pơjing teh đak lơ̆m chăl sơnăm jang 'nao. Lơ̆m tơdrong pơdah, bơngai lăng đei hơlen dơ̆ng gah khei năr nuih mơng kiơ̆ đơ̆ng dôm ƀai hơri yak hơdoi hăm khei năr nhen ƀai Hla kơ Đảng, Mười chín tháng Tám, Ƀai hơri hơ-'nguơ̆u kơ Ƀok Kơdră Hồ, Nơ̆r Ƀok tơtă hơdrol kơ năm hơtaih, Tơblah rơngei tơring pơbah, păng lơ ƀai hơri hiôk nai.

Hrou atŭm hăm dôm tơdrong hơrih noh đei pơdah hloi phim kăp gĭt păng tơdrong akŏm pơma dơnuh hăm rim bơngai bơ̆ng pang kơ chăl hơrih. Đơ̆ng ang chră  Ba Đình kơ pơyan Hla ruh kăch mang sơnăm 1945, tơdrong joh hơri hlôi akŏm đon lui, tơdrong hơpơi 'meh kơ Việt Nam, hơtŏk jơhngơ̆m pran vă hơnih jang Đảng, tôm kon pơlei păng khul linh atŭm jơhngơ̆m pơjing minh teh đak kơjăp kơtang, sơnêp sơnua lơ̆m khei năr hơtŏk tơ-iung 'nao.