Pơma pơgơ̆r ah jơ pơm jang, Tổng Bí thư, Kơdră teh đak bơ̆n Tô Lâm pơtruh nơ̆r hăm Hô̆k viê̆n Chĭnh trĭ Kuô̆k ya Hồ Chí Minh athei sơkơ̆t mă trŏ tơdrong jang đei, lăng tơpăt lơ̆m dôm tơdrong oei tơjruh păng băt hơdah dôm tơdrong kăl jang kơ Hŏk viê̆n, atŭm hăm noh sơkơ̆t hơdah hơnih dơ̆ng, sơnong jang păng tơdrong kăl vă hơtŏk Hŏk viê̆n lơ̆m chăl jang 'nao. Tổng Bí thư, Kơdră teh đak bơ̆n akhan Hŏk viê̆n athei tơplih 'nao trong pơm jang, pơjing tơdrong tơplih hơdah gah tơdrong hơgei păng jang jơnei.

Kiơ̆ pơkăp noh Tổng Bí thư, Kơdră teh đak bơ̆n đei 5 tơdrong pơkăp hăm Hŏk viê̆n; lơ̆m noh athei hơtŏk tơdrong chih hơlen nơ̆r pơma xa, akŏm đơ̆ng tơdrong hơrih, tơgŭm trong pơm jang păng vei sơđơ̆ng tơdrong tơchơ̆t đơ̆ng Đảng; Atŭm hăm noh athei tơplih 'nao tôm tơdrong pơtho pơhrăm, kiơ̆ hơtŏk tơmam drăm păng tơdrong rơgei ăn kang ƀô̆. Tổng Bí thư, Kơdră teh đak bơ̆n ră hơdah Hŏk viê̆n athei jing hơnih ăn rim kang ƀô̆ ah lĕch đơ̆ng hnam trưng Đảng athei kơjăp hloh gah đon bơnôh, hơdah hloh gah nơ̆r pơma xa, tơnăp hloh lơ̆m sơnong jang, pơm jang đei jơnei hloh kơyuơ kơ Đảng, kơyuơ kơ teh đak, kơyuơ kơ kon pơlei.