VOV4.Bahnar - Tơ̆ plt Pleiku, khul jang đơ̆ng Công ty tơm Tân Cảng Sài Gòn pơ gơ̆r iŏk rong truh lôch hăm 10 ‘nu kơ tum kơ tŏng linh lôch tang tĕh đak, bơ ngai đei kŏng hăm kăch mang păng hơ păh hŏk ƀŏng “tơ̆k hơ dăh đon hơ pơi ‘mĕh” 2022 ăn đe ŏh hŏk tro đei tơ drong arih xa mơ mat tat.

Công ty tơm Tân Cảng Sài Gòn hơ păh tơ mam ăn kơ tum kơ tŏng linh lôch tang tĕh đak, unh hnam bơ ngai đei kŏng tơ̆ Gia Lai

Tơ̆ jơ pơm lêh, Công ty tơm Tân Cảng Sài Gòn (Khul linh đak dơ sĭ) pơ jao tơ drong tơ chơ̆t iŏk rong 10 ‘nu kơ tum kơ tŏng linh lôch tang tĕh đak păng unh hnam bơ ngai đei kŏng hăm kăch mang tơ̆ 9 apŭng đei: Ia Grai, Đức Cơ, Kbang, Kông Chro, Chư Prông, Đak Đoa, Ia Pa, Krông Pa păng Mang Yang. Khei ‘năr iŏk rong jô̆ đơ̆ng khei 7/2022, đei jên tơ gŭm arih xa rim khei, năm hơ pong lơ̆m năr lêh, têt hăm kơ sô̆ jên truh 22 triu 1 ‘nu 1 sơ năm.

Ƀlep ƀât ‘măng mă âu mơ̆n, Công ty tơm pơ gơ̆r hơ păh hŏk ƀŏng “Tơ̆k hơ dăh đon hơ pơi ‘mĕh” ăn 10 ‘nu ŏh hŏk tro tơ nuh hin, đei đon adrin hŏk pơ hrăm, hŏk rơ gei, 1 kơ suâ̆t đei kơ jă 5 triu hlak jên.

Dơ̆ng: Tơ blơ̆