VOV4.Bahnar - Lơ̆m năr pơdơ̆h lêh Yôk Ƀok pơtao Hùng Vương, tôch lơ tơmoi năm tơ̆ Đà Lạt, Lâm Đồng. Tơ̆ Hơnĭh soi tơbĕh Âu Cơ lơ̆m hơnĭh ‘lơ̆ng rŏ tĕh đak Hơnĭh Tơmang pơ hiơ̆ chơ kơi Prenn hlôi pơgơ̆r pơm lêh Yôk Ƀok pơtao Hùng Vương, hơvơn đei lơ tơmoi năm trŭh.

Kơdrơ̆m tơmoi năm tơ̆ Đà Lạt lơ̆m jơ ‘năr Yôk ƀok Dơnơm

Hăm hơnăn “Tơdrong kăp gĭt tơm a la chă”, pơm lêh Yôk Ƀok pơtao Hùng Vương pơgơ̆r ‘lơ̆ng rŏ, hăm 3 tơdrong pơgơ̆r ‘nŏh: Khŭl sơng iŏk tơmam drăm soi tơbĕh Ƀok dơnơm, Pơm lêh soi tơbĕh păng Sŏh hlôt nhang Ƀok dơnơm tơ̆ rim hơnĭh spoi tơbĕh Thượng, Trung, Hạ. ‘Ngoăih pơm lêh, lơ̆m tơdrong pơgơ̆r lêh yôk Ƀok pơtao Hùng Vương sơnăm au, dêh char Lâm Đồng oei pơgơ̆r rim tơdrong jŏh ayŏ kơdŏ soang, rim tơdrong pơchơt pơ hiơ̆ kră sơ̆ nhen: tŏk hao ‘long tơsĕr, asoang sap, tĕh bô̆i, cờ tướng, jơnŭm kơchơ tơmam drăm pơlei pơla ... vă tơbăt pơjing nhen so dôm tơdrong oei sa jŏh ayŏ joăt joe sơ̆ ki đơ̆ng sơ̆ kơ kon pơlei Việt Nam. 

Tơblơ̆ nơ̆r: Amazưt