'Măng akŏm tơbang kơchơ đei 120 anih jang mŭk drăm, anih jang hadoi, unh hnam jang tĕch pơdro vang truh akŏm hăm 130 anih tơbang 'nhot, pơkao, tơmang pơhiơ̆ choh jang xa, dôm tơmam OCOP kăp gĭt, tơmam drăm pran kơ pơlei tơm Đà Lạt, Bảo Lộc păng dôm apŭng kơ dêh char Lâm Đồng. 'Nguaih kơ 'noh, quận 8 – pơlei tơm Hồ Chí Minh păng Anih jang hanh chĭnh apŭng  Hampyeong (dêh char Jeolla Nam, Hàn Quốc) adoi đei tơmam pơtruh akŏm tơbang.

Kiơ̆ kơ ƀok Nguyễn Văn Sơn, Phŏ Kơdră Anih jang vei lăng kon pơlei pơlei tơm Đà Lạt, 'măng akŏm kơchơ jĭ 'măng vă pơtơm jang tĕch pơdro, jing anih ƀônh hiôk rim anih jang, rim bơngai jang tŏk bŏk oei jang gah pơtăm, tĕch răt 'nhot, pơkao păng dôm tơmam drăm kăp gĭt kơ tơring chă akŏm pơma dơnuh, chơ chă trong jang hadoi păng kĭ pơkăp jang tĕch pơdro. Akŏm tơbang kơchơ 'nhot – pơkao pơdui đunh truh năr 15/12 âu kơnh.