Tơdrong jang tơlĕch jang ‘năr 20/9/2026, yua đơ̆ng Grŭp jang Kơmăy kơmŏk - Viễn thông Quân đội (Viettel) tơgŭm. Truh dang ei, dôm tơdrong jang pơm đang dang 50% tơdrong jang. Kiơ̆ đơ̆ng hơlen lăng yan âu, Đại tướng Phan Văn Giang athei dôm anih jang ƀơm truh jang hơdai kơjăp, tŭn hrĕnh bơ̆jang, vei sơđơ̆ng ‘lơ̆ng, ki thuơ̆t păng hơtŏ băl đơ̆ng tơdrong jang; lăng kăl hơnih ‘lơ̆ng, hơnih soi tơbăt, hơdrin jang đang hơdrol kơ ‘năr 22/12/2026.

Đại tướng pơma hơdăh, tơdrong pơm hơmet ming pơsat tơƀôh jơhngơ̆m đon “Nhă đak ƀlŏk kơtu”, hơnăp jang đơ̆ng tơdrong ‘mêm đơ̆ng jơhnơr hrei ‘nâu hăm bơngai hlôi lôch hơchăng yua kơ tơdrong rơngei, hiôk hian kơ Teh đak. Tơdrong jang đơ̆ng rŏng kơ pơm đang gô pơm lăp ‘lơ̆ng hloh ‘meh vă năm hơpong, ƀlŏk hơdơ̆r kơ dôm Linh nuih mơng lôch tang ăn teh đak, hơdai hăm tơgop pơtho pơhrăm joăt joe kach mang, hơtŏk jơhngơ̆m ‘mêm kơ teh đak păng đon băt kơdih vei lăng Teh đak ăn jơhnơr mơlôh.