Dôm tơdrong jang tơgop hơtŏk tơiung anih jang kăl, pơjing tơdrong jang păng pơtrŭt tơmang lăng kơ tơring. Mă lei, vă bơ̆jang đei yua, dôm tơdrong jang kăl kơ tơklep hăm ‘meh vă yan âu đơ̆ng anih tĕch mơdro, tơplih yua kơ lăp hơmĕng tŏk kơjă mŭk tơmam.

Tơ̆ hop akŏm găh teh, hnam tơmang lăng ‘nao đei pơgơ̆r tơ̆ Gia Lai, dôm bơngai joăt jang akhan, tơdrong pran ‘lơ̆ng tơƀưh đak dơsĭ hăm groi kông lăp kĕ hơtŏk tơiung mưh anih jang kăl hơtŏ băl, tơmam tơmang lăng lơ păng tơmoi sơđơ̆ng. Hơdai hăm ‘noh, kăl kơ hơmet pơ ‘lơ̆ng tơdrong jang khôi luơ̆t, rơđăh tơdrong gơh yua, iŏk yua teh păng tơdrong gơh iŏk jang. Tơdrong vei lăng, pơgơ̆r kŭm kăl kơ đei lăng kăl, vei sơđơ̆ng iŏk yua, jên vei lăng păng tơmơ̆t jên jang dơ̆ng, yak truh hơtŏk tơiung kơjăp ‘lơ̆ng.