Iung jang ming man đơ̆ng năr 19/8/2025, đơ̆ng rŏng hloh mĭnh sơnăm jang, tơdrong jang ming man keh đang, tơgop pơm hơtŏk iŏk yoa cham gre păr, trŏ lăp ăn asong păr jur rim gre păr hle, atŏk kơtang tơƀưh Gia Lai hăm rim hơnih tơm jang mŭk drăm, tơmang pơhiơ̆ lơ̆m teh đak păng teh đak đe. Vang năm păng iung pơma tơ̆ pơm lêh, Kơ iĕng Thủ tướng Hồ Quốc Dũng hôn bơnê dôm tơdrong hơdrin đơ̆ng tơring păng rim hơnih đei ƀơm truh; adoi pơma hơdăh, Cham gre păr Phù Cát atŭm hăm cham gre păr Pleiku jĭ hơnih kăl hloh vă hơvơn tơmơ̆t jên jang, pơtrŭt atŏk tơ iung mŭk drăm, tơmang pơhiơ̆ tơring Tây Nguyên. Kơ iĕng Thủ tướng athei dêh car Gia lai iung jang hơdoi hăm rim hơnih tơm, hơnih jang pơm sơđơ̆ng cham gre păr đei jang ‘lơ̆ng sơđơ̆ng; pơih să rim trong păr, iŏk yoa jơnei tơƀưh dih băl đak dơsĭ, bri păng groi kông.