Lơ̆m jơ hop akŏm til pơgê, Quốc hội pơma nuh găh luơ̆t tĕch mơdro teh, hnam (oei chih hơmet ming) păng luơ̆t jang kiơ̆ tơdrong Kon pơlei pơm tơm tơ̆ tơring (oei chih hơmet ming). Kơdră Anih tơm vei lăng ming man păng Kơdră Anih tơm jang Nội vụ vă tơblang hơdăh, pơm rơđăh dôm tơdrong mă bơngai tang măt pơma truh.

Tơ̆ kơsơ̆, Quốc hội pơma nuh găh tơdrong jang đei kiơ̆ trong đei tơlĕch vă atŏk tơiung mŭk drăm - tơpôl sơnăm 2026, tơdrong vă tơlĕch jang sơnăm 2027; tơdrong thu mong, tơlĕch jên jang kơ teh đak, trong tơlĕch jên teh đak sơnăm 2026 păng trong klăih song jên jang đơ̆ng Trung ương, trong vă tơlĕch jên teh đak sơnăm 2027. Quốc hội kŭm hơlen lăng chih hơdăh jên jang kơ teh đak sơnăm 2025, chih akŏm tôm tơdrong jang đei kiơ̆ Tơdrong tơchơ̆t kơsô̆ 66 sơnăm 2013 păng pơtôch tơdrong tơmơ̆t jên jang ming man trong Hồ Chí Minh gơ̆h ăn 2 tŏ gre kơdâu hơdai.