Lơ̆m jơ hôp til pơgê, Quốc hội pơma nuh găh Luơ̆t hơmet ming, chih tơmât dơ̆ng 1,2 tơdrong lơ̆m Luơ̆t tơmât jên jang păng Luơ̆t plang song, răih hơmet klơm klak, hơkâu jăn păng plang pơyơ̆r hơkâu đơ̆ng rŏng kơ lôch (oei chih hơmet ming). Kơdră Anih tơm vei lăng jên hu păng Kơdră tơm vei lăng jang pơgang vă roi tơƀôh, pơm hơdăh dôm tơdrong đei bơngai tang măt tơrek truh.

Tơ̆ kơsơ̆, Quốc hội pơma nuh găh Luơ̆t, luơ̆t pơm Luơ̆t sư păng Luơ̆t rong kon rong (oei chih hơmet ming); Kơdră Anih tơm jang Tư pháp vă tơl tơblang hơdăh dôm nơ̆r pơma apinh đơ̆ng bơngai tang măt. Lơ̆m giĕng 'nâu, Quốc hội hơnơ̆ng hơlen năng lơ khôi luơ̆t găh dôm tơdrong jang mŭk drăm, jên hu, thuê̆, vei sơđơ̆ng teh đak, cham char, unh hơyuh păng vei lăng tơpôl. Atŭm hăm 'nŏh, dôm bơngai tang măt oei pơma nuh găh trong tơmât jên ăn Tơdrong jang tơm kơ teh đak tang găn tơdrong yoch đơ̆ng 2026-2035 păng 1,2 tơdrong gĭt kăl nai hai. Tơchĕng adrol, pơgê năr 6, Quốc hội vă pơdrơ̆ng nơ̆r ăn Tơdrong tơchơ̆t jang atŏk tơiung mŭk drăm tơpôl sơnăm 2027.