VOV4.Bahnar - Dêh char Dak Lak tŏk bŏk ‘măng mă blŭng pơ long lăng tơ plih kơ sô̆ tơ̆ xăh Hòa Phú pơ lei tơm Buôn Ma Thuột păng xăh Phú Lộc, apŭng Krông Năng. Pơ tôch blŭng a ăn ƀôh tơ drong tơ plih sô̆ hlôi pơm đei dôm jơ nei  ‘lơ̆ng hơ iă. Dôm tơ drong tơ plih kơ sô̆ tŏk bŏk đei tơ lĕch jang tơ̆ 2 xăh pơ long lăng kơ Dak Lak, ‘noh: pơ jing Khŭl kơ dră chĕp kơ̆l kơ sô̆; hơ tŏk tơ iung mŭk drăm kơ sô̆; hơ tŏk tơ iung tơ pôl kơ sô̆.

Pơ long lăng tơ plih kơ sô̆ tơ̆ xăh tơ̆ Dak Lak

Akŏm lơ̆m dôm tơ drong jang pơ ma dơ nuh hăm kon pơ lei; pơ tho pơ hrăm hơ gei; jang pơ gang hơ gei păng roi tơ ƀôh hơ năn tơ ring. Đơ̆ng rŏng vă jê̆ 1 khei tơ lĕch jang, khŭl kơ dră 2 xăh bơ̆ jang kiơ̆ pơ long lăng hlôi ƀrư̆ ƀrư̆ hơ tŏk tơ drong jang hơ dai đơ̆ng kon pơ lei, anih jang mơ dro sa păng khŭl kơ dră chĕp kơ̆l. Lơ̆m noh, tơ gŭm ăn kon pơ lei, anih jang mơ dro sa đei gơh băt păng yua hiôk hloh dôm tơ drong pơ vih pơ văn ƀônh, vă hơ tŏk ‘lơ̆ng tơ drong arih sa tơ mam drăm, jơ hngơ̆m đon ăn kon pơ lei.

Thuem: Tơ blơ̆