VOV4.Bahnar - Anih vei lăng kon pơ lei dêh char Dak Lak ‘nao tơ lĕch Trong vă jang kơ sô̆ 15 găh tơ lĕch jang trong jang tơ gŭm pơ tho tơ drong jang, ba bơ ngai jang năm dơ̆ng tơ̆ anih bơ̆ jang so, tơ chă ăn tơ drong jang ăn kơ dôm bơ ngai kơ dêh char vih đơ̆ng rim dêh char, pơ lei tơm găh pơ băh yua đơ̆ng ƀơm kơ nê̆ đơ̆ng jĭ COVID-19. Kiơ̆ kơ ‘noh, tơ drong hơ găt tơ lĕch ăn ‘noh đĭ đăng kơ bơ ngai jang dêh char Dak Lak ( dang hloh 40.000 ‘nu) vih đơ̆ng tơ ring jĭ lơ̆m sơ năm bơ̆ jang đei ‘meh vă tơ gŭm hŏk tơ drong jang, tơ chă tơ drong jang tơ̆ dêh char, chă bơ̆ jang kơ dih dăh mă năm jang tơ̆ anih bơ̆ jang so dơ̆ng đei gơh iŏk tơ drong jang tơ gŭm. Khei ‘năr bơ̆ jang kiơ̆ đơ̆ng blŭng sơ năm ‘nâu truh đĭ sơ năm 2023, hăm akŏp kơ sô̆ jên tơ chĕng hơ drol dang 248 ti hlak jên.

Dak Lak đei dang 40 rơ bâu ‘nu bơ ngai vih đơ̆ng rim dêh char găh pơ băh

Dêh char Dak Lak gô tŭn pran tơ drong jang pơ gơ̆r pơ tho tơ ƀôh tơ drong jang ăn bơ ngai jang, bơ̆ jang kiơ̆ pơ tho tơ drong jang lăp hăm yan âu, vei sơ đơ̆ng tơ drong ‘lơ̆ng; hơ tŏk loi dơ̆ng tơ drong pơ tho hŏk tơ drong jang tơ klep hơ dai hăm rim anih jang mơ dro sa, anih pơm tơ lĕch tĕch mơ dro, tơ roi tơ ƀôh tơ drong jang ăn bơ ngai hŏk đơ̆ng rŏng kơ hŏk đang.

Thuem: Tơ blơ̆