Kiơ̆ tơroi, truh dang ei, jên mong kơ 6 phương akŏm đei jê̆ 3.900 tih hlj. Lơ̆m noh, phương Tân Lập, Tân An păng Ea Kao hlôi đei yua hloh kơ pơkăp tơmơ̆t jên mong lơ̆m sơnăm. Mă lei, tơdrong asong jên jang kŏng oei kơđeh. Hăm tơlĕch tơchơ̆t 570 tih hlj, dôm phương 'nao pơtơm asong đei 42 tih hlj, đei 7,42%.

Kơdră kơ dôm tơring hlôi tơbang jê̆ 70 tơdrong tơhlăk tăk kăl pơklaih, lơ̆m noh đei tơnap tap gah groi teh asong oei xa păng hrŭ 'mong teh iŏk ming man. Kơdră Hơnih vei lăng kon pơlei dêh char Đăk Lăk Đỗ Hữu Huy pơgơ̆r hăm rim phương chih akŏm hơdah kiơ̆ kơ rim tơdrong jang, sơkơ̆t hơdah sơnong jang kơ tơ-'ngla, khei năr keh đang păng tơguăt tơdrong jang đei hăm sơkơ̆t hơdah sơnong jang.