Tơ̆ anih sir chă đei kơting, khul jang kơpal chă ƀôh lơ tơmam nhen tơkhŏ cao su, ƀlak ao ƀô đô̆i, kơchai pơgang, che kuăl tăng păng tơmam nhôm. 2 kơ̆l linh lôch tang ăn teh đak ƀŭ hơtăih băl dang 5 met, ƀŭ jrŭ hlŏh 70 cm. Đơ̆ng rŏng kơ sir chă, Khul K51 chơ kơting linh vih tơ̆ anih vă vei lăng păng soh hlôt nhang kiơ̆ tơdrong hơgăt.

Đơ̆ng blŭng pơyan phang 2026-2027 truh dang ei, Khul K51 chă ƀôh, kôch iŏk đei 8 kơ̆l linh lôch tang ăn teh đak tơ̆ Campuchia. Hơdrô̆ lơ̆m Tơdrong jang 500 măng năr sir chă, kôch iŏk kơting linh lôch tang ăn teh đak tơ̆ Đắk Lắk păng dêh char Mondulkiri, hlôi chă ƀôh, kôch iŏk đei 52 kơ̆l linh lôch tang ăn teh đak.