VOV4.Bahnar – Kơsơ̆ năr (5/10), Jơnŭm jang Hơdruh tơdăm Việt Nam dêh char Đăk Lăk pơgơ̆r 'măng pơtơm pơlong iung pơm jang tĕch pơdro dêh char Đăk Lăk xơnăm 2022. Đơ̆ng rŏng hloh 2 khei tơlĕch jang, tơdrong pơlong iung pơm jang tĕch pơdro dêh char Đăk Lăk xơnăm âu hlôi iŏk đei 100 tơdrong jang pơlong đơ̆ng bơngai pơlong, khul bơngai pơlong lơ̆m păng 'nguaih kơ dêh char pơtruh pơlong.

 Dôm tơdrong jang đei lơ tơdrong nhen: pơm jang tĕch pơdro choh jang xa, rong kon tơrong, choh pơtăm, tĕch pơdro. Kiơ̆ đơ̆ng hơlen mă blŭng, jơnŭm pơgơ̆r hlôi rơih đei 80 tơdrong pơlong tơroi kơtă ăh 'măng mă blŭng. 'Nhŏng Y Lê Pas Tơr, Phŏ Ƀĭ thư anih jang kơpal Đoan dêh char, Kơdră Jơnŭm jang đe hơdruh tơdăm Việt Nam dêh char Đăk Lăk ăn tơbăt, đơ̆ng rŏng 3 'măng pơgơ̆r, tơdrong pơlong xơnăm âu ăn ƀôh tơdrong akŏm đơ̆ng bơngai pơlong hăm dôm tơdrong jang hlôi đei pơm jang hơdăh hăm dôm tơmam drăm

VOV Tây Nguyên/Lan tơblơ̆ nơ̆r