Xơnăm 2022, mŭk drăm – tơpôl kơ dêh char Đăk Lăk đei iŏk lơ tơdrong jơnei kăp gĭt. Kơsô̆ jên mong tơmơ̆t lơ̆m dêh char đei hloh 9.100 rơtăl hlj, lơ hloh đơ̆ng xơ̆ truh dang ei, yak hloh 37% tơdrong mă trung ương pơjao.

'Nâu jing tơdrong tơm vă Đăk Lăk adrin tơmơ̆t lơ̆m jên mong kơ teh đak ăh xơnăm 2023 lơ̆m tơring đei hloh 10.000 rơtăl hlj. Kiơ̆ kơ ƀok Bùi Văn Yên, Kơdră Anih jang Jên hu dêh char Đăk Lăk tơchơ̆t tơmơ̆t jên mong 10.000 rơtăl hlj noh kĕ pơm jang ƀơ̆t dôm tơdrong jang găh unh hơyuh pơ 'lơ̆ng tơ̆ Đăk Lăk hlôi tơmơ̆t pơm jang. Mă lei vă đei jơnei tơchơ̆t âu, kơtă đơ̆ng blŭng xơnăm 2023, pơđĭ tơdrong jang chĭnh trĭ atŭm hăm dôm anih jang mŭk drăm, kon pơlei athei kơ 'nôh tih lơ̆m tơdrong jang kiơ̆ dôm xơnong jang vă hơtŏk mŭk drăm – tơpôl kiơ̆ pơkăp đơ̆ng anih jang đảng dêh char, Tơchơ̆t đơ̆ng Hô̆i đŏng kon pơlei dêh char păng dôm tơdrong pơgơ̆r jang đơ̆ng Khul kơpal teh đak, Thủ tướng teh đak.