‘Măng dăr hơlen năng akŏm lơ̆m 3 grŭp jang ‘nŏh: Tơdrong chĕp kơ̆l pơgơ̆r, chih hơdăh dôm trong jang, tơdrong hơgăt đơ̆ng Trung ương găh tơdrong jang kăn ƀô̆; tơdrong jang đei lơ̆m tơdrong jang kăn ƀô̆ păng hơlen năng tơdrong jang đơ̆ng ‘măng dăr lăng đơt 1, đơt 2.

Pơma tơ̆ hop akŏm, ƀok Nguyễn Thanh Nghị akhan, Khul kơdră chĕp kơ̆l Đảng dêh char Đắk Lắk hlôi chih hơmet hla ar tơroi kiơ̆ nơ̆r athei, tơroi hơdăh dôm tơdrong jang đei, tơdrong tam mă pran ‘lơ̆ng păng nơ̆r apinh ƀơm truh tơdrong jang kăn ƀô̆. Ƀok pơma hơdăh đon pơhnŏng đơ̆ng ‘măng dăr lăng ‘nŏh tơtom chă ƀôh, hơmet ming dôm tơdrong tam mă ‘lơ̆ng, pơjing khul kăn ƀô̆ pơm lăp hăm tơdrong ‘mĕh vă lơ̆m chăl ‘nao.