Tơ̆ Hop akŏm, dôm bơngai tang măt vei kơjăp Tơdrong tơchơ̆t kơsô̆ 1516 đơ̆ng Thủ tướng Teh đak, tơlĕch ăn ‘năr 10/8/2026, băt hơdăh tang găn rôp yâu ka glăi IUU ‘noh jĭ hơnăp jang chĭnh trĭ gĭt kăl, tơklep hăm đon lui apŭng plĕnh teh, tơdrong đei yua kơ kon pơlei, tơdrong jang tĕch tơ̆ teh đak đe đơ̆ng Anih mơdro sa păng tơdrong hơgăt hơtŏk tơiung kơjăp anih jang ka hơdang. Trong tơlĕch jang ‘noh đei 46 hơnăp jang.

Khei bơ̆jang tang găn rôp yâu ka glăi IUU đei tơlĕch jang jơ̆p lơ̆m teh đak đơ̆ng ‘năr 15/8 truh ‘năr 15/9/2026. Pơma tơ̆ Hop akŏm, ƀok Võ Văn Hưng, Phŏ Kơdră Anih tơm vei lăng găh Choh jang sa păng Cham char, Phŏ Kơdră Anih pơgơ̆r jang kơ teh đak găh IUU, pơma hơdăh, tơdrong Thủ tướng Teh đak tơlĕch ăn Tơdrong tơchơ̆t kơsô̆ 1516 hlôi tơƀôh hơdăh tang găn rôp yâu ka hơdang glăi IUU păng pleh hŭt “the dreng” EC jĭ hơnăp jang chĭnh trĭ gĭt kăl, tơklep hăm đon lui apŭng plĕnh teh păng tơdrong hơtŏk tơiung kơjăp đơ̆ng anih jang ka hơdang Việt Nam.