Dang ei, tơ̆ dôm Anih ƀiên ap 110kV ưh đei bơngai trư̆k tơ̆ Dak Lak, tơdrong hơmet jur tŏk kơmăy ƀiên ap oei bơ̆ jang kiơ̆ đơ̆ng kơtĭt kơmăy tơ̆ Anih pơgơ̆r vei lăng kơ dêh char. Yoa kơ sô̆ kơmăy ƀiên ap lơ, tơdrong vei lăng đơ̆ng hơtăih đei ƀôh hiơ̆ ƀiơ̆, ƀơm ưh ‘lơ̆ng truh tơdrong pơ truh unh điên păng sơnăm gơ̆h yoa kơmăy kơmŏk, hiong huach lơ găh mŭk drăm.

Tơdrong kơdâu pơlong năng kơ măy hơmet điên ap tơ̆ Anih ƀiên ap 110kV Buôn Hồ păng Krông Năng gô pơyoa ‘lơ̆ng hlŏh ăn điên ap, pơm ‘lơ̆ng ăn tơdrong pơtruh unh điên, tơjur ƀiơ̆ unh điên hiong huach, hơ tŏk tơdrong đei yoa mưh vei lăng, đon lui sơđơ̆ng đơ̆ng pơtruh unh điên. Đơ̆ng rŏng kơ ‘nŏh, PC Dak lak vă iŏk yoa kơmăy hơmet điên ap tơ̆ rim Anih ƀiên ap, dar deh pơm hăm tơdrong ‘mĕh vă pơtruh unh điên rơgei ‘lơ̆ng tơ̆ hơnăp kơnh.