‘Nâu jĭ tơdrong đei lơ bơngai tang măt akŏm tơblang hơdăh tơ̆ hop akŏm khoa hŏk kơ dêh char yua đơ̆ng Hnam trưng Chĭnh trĭ dêh char Đắk Lắk pơgơ̆r pơgê 27/5. Đơ̆ng rŏng proh hơmet, lơ̆m dêh char tơjur đơ̆ng 184 jur oei pă 102 anih bơ̆jang tơ̆ xăh, hơdai hăm lơ hơnăp jang đơ̆ng apŭng đei tơplih kơtă jur tơ̆ tơring.

Mă đơ̆ng thoi noh, kơsô̆ hơmet pơ ‘lơ̆ng hla ar bơ̆jang oei đei iŏk 97%, hloh 83% hla ar hô sơ đei pơm trực tuyến. Lơ nơ̆r tơgop akhan tơ̆ xăh tŏk bŏk ưh kơ măh bơngai joăt jang tơ̆ dôm tơdrong jang jên hu, teh, tơmơ̆t jên jang, kơmăy kơmŏk kơtơ̆ng ang. Phŏ Kơdră khŭl joăt jang Khŭl tang măt Quốc hội dêh char Nguyễn Thị Thu Nguyệt athei jăh đei trong jang tơgŭm jên trŏ lăp vă gơ̆t jơ̆ng păng sơng đei bơngai jang gơh hơgei bơ̆jang tơ̆ tơring.