Tơdrong jang xă hlŏh 313 hek tar, tơlĕch jang 3 jăl; hơdrô̆ jăl 1 xă hlŏh 66 hektar, jên tơmât jang 802 ti hlak jên. Đơ̆ng rŏng hlŏh 3 khei tơlĕch jang, tơdrong jang 'nao iŏk đei dang 13,3% trong tơlĕch jang; lơ tơdrong jang hiơ̆ hyĭn, hla ar bơ̆ jang, hla ar chih tơroi păng mĭnh ƀar tơdrong hơgăt găh tơmơ̆t jên jang, ming man, cham char oei đei.

Kơdră Anih vei lăng kon pơlei dêh char Đắk Lắk Đỗ Hữu Huy athei anih tơmơ̆t jên jang akŏm jơhngơ̆m bơ̆ jang, tơgŭm hơdrol jang đang anih jang kăl, hơmet kơjăp Khul vei lăng tơdrong jang păng tơƀôh hơdăh tơdrong jang kiơ̆ hăm tơdrong jang mă hơdăh. Kơdră Anih vei lăng kon pơlei dêh char pơma hơdăh: "Kăl kơ băt hơdăh tơdrong jang tơgŭm hơdrol, tŏ sĕt tôch ai ‘noh găh trong, ‘noh ŭnh hơyŭh đak, dôm tơdrong jang hơnơ̆ng vă dôm bơngai tơmơ̆t jên jang kơ đe sư mơ̆t đe sư thuê."