Dôm nơ̆r pơma akŏm lơ̆m tơdrong sơng đei bơngai jang kơmăy kơmŏk kơtơ̆ng ang vih tơ̆ tơring mơmat tat; pơm tơdrong jang tơ̆ tơring, pơih să jên tŏk iŏk tơgŭm ăn hơdruh tơdăm pơjing tơdrong jang sa; hơtŏk tơiung tơmang lăng bri- đak dơsĭ; tơplih kơmăi kơsô̆ lơ̆m choh jang sa păng vei răk tơƀăk mong joh ayŏ chĭng chêng tơklep hăm tơdrong hơrih sa sơđơ̆ng.

Mĭnh ƀar nơ̆r tơlĕch iŏk yua hơnih bơ̆jang rơkăh rơkai vă tơgŭm hơdruh tơdăm pơjing tơdrong jang sa. Kơdră Anih vei lăng kon pơlei dêh char Gia Lai Phạm Anh Tuấn athei hơdruh tơdăm hơtŏk hơnăp jang pơm jŭk yŭk trong hơlou lơ̆m khoa hŏk - kơmăi kơmŏk, tơplih kơsô̆, kơchăng pơm tơ ‘ngla kơmăy kơmŏk ‘nao, lơ̆m noh đei kơmăy gơh hơgei; hơdai hăm pơ̆n pơjing tơdrong jang sa, bơ̆jang đei yua kơjă kăp gĭt “groi kông - jih đak dơsĭ - tơring sơlam - tơnŏk đak dơsĭ”.