'Nâu jĭ 'măng năm hơngôi, bơ̆jang mă blŭng đơ̆ng Tổng Bí thư, Kơdră teh đak Tô Lâm truh tơ̆ teh đak âu lơ̆m kơchư̆k 'nao, kŭm jing 'măng năm ngôi, bơ̆jang mă blŭng đơ̆ng kơdră chĕp kơ̆l teh đak bơ̆n đơ̆ng rŏng kơ Việt Nam hơtŏk tơdrong pơvei jing Jang hơdai Gĭt kăl tôm tơdrong hăm Australia păng New Zealand. 'Măng năm ngôi bơ̆jang vă pơm hơdăh trong jang tơ bôl đơ̆ng Hop akŏm Đảng lơ̆m tĕh đak 'măng mă XIV, vang tơgop hơ nhăk tơdrong pơvei hăm dôm tĕh đak jing jrŭ xă, tơ păt 'lơ̆ng păng kơ jăp.

Tơdrong tơm đơ̆ng 'măng năm ngôi, bơ̆jang vă hơmet kơjăp đon lui chinh trĭ tơ̆ kơdră chĕp kơ̆l tih hlŏh, pơ jing jơ hngâm pran 'nao tơ lĕch trong jang Hơdai gĭt kăl tôm tơdrong păng trong vă jang dôm tơdrong jang hơdai tơ̆ hơ năp kơnh. Hơdai hăm 'nŏh, 'nâu kŭm jing jơnăr vă kơdră chĕp kơ̆l dôm pang pơma nuh găh dôm tơdrong lơ̆m tơring, lơ̆m apŭng plenh teh vang bơngơ̆t truh; hơtŏk tơdrong jang hơdai tơ̆ dôm trong jang lơ pang, vang tơgop ăn tơdrong rơngei, sơđơ̆ng păng hơtŏk tơiung kơjăp tơ̆ tơring Pơbăh Thái Bình Dương kŭm nhen lơ̆m apŭng plenh teh.