Khŭl kơdră chĕp kơ̆l pơgơ̆r Trung ương Đảng, Quốc hội, Kơdră teh đak, Kơdră khŭl kơdră teh đak păng Anih jang Trung ương Mặt trận Tổ quốc Việt Nam ‘nao tơlĕch hla ar roi tơbăt gĭt kăl: Nhap ƀok Saysomphone Phomvihane, Bơngai jang lơ̆m Anih tơm Chĭnh trĭ Đảng Kon pơlei Kach mang Lào, Kơdră Quốc hội teh đak Cộng hòa Dân chủ Nhân dân Lào, hlôi lôch ‘năr 8/8/2026, hơrih sot 70 sơnăm.

Vă tơƀôh jơhngơ̆m hmach ‘mêm kơ ƀok Saysomphone Phomvihane păng đei ƀôh đơ̆ng pơvei gĭt kăl Việt Nam – Lào, Khŭl kơdră chĕp kơ̆l pơgơ̆r Trung ương Đảng Cộng sản Việt Nam, Quốc hội teh đak Cộng hoà xã hội Chủ nghĩa Việt Nam, Kơdră teh đak Cộng hoà xã hội chủ nghĩa Việt Nam, Khŭl kơdră teh đak Cộng hoà xã hội Chủ nghĩa Việt Nam păng Anih jang Trung ương Mặt trận Tổ quốc Việt Nam tơchơ̆t pơdong ƀok Saysomphone Phomvihane kiơ̆ tơdrong joăt kơ teh đak lơ̆m 2 năr, đơ̆ng ‘năr 10 truh ‘năr 11/8/2026. Lơ̆m jơ năr pơdong, rim anih jang, anih bơ̆jang lơ̆m teh đak păng anih jang tang măt Việt Nam tơ̆ teh đak đe hơtol hla ar sơ ‘ngon, chô̆ che găm tơbăt kơnê̆ hơkâu păng pơdơh pơđĭ tơdrong jang ngôi