Tơ̆ lêh pơdong, Kơdră Quốc hội Trần Thanh Mẫn kŭm hăm khul tang măt hlôi plang pơyơ̆r pơkao, ‘măn 1 pơnĭt kŭp kơ̆l ƀlŏk hơdơ̆r kơ bơngai boăl juăt tôch ‘lơ̆ng kơ Đảng, Teh đak păng kon pơlei Việt Nam. Tang măt ăn kơdră chĕp kơ̆l Việt Nam, Kơdră Quốc hội pơtruh nơ̆r sơ ‘ngon dêh hlŏh hăm Đảng, Teh đak, Quốc hội, kon pơlei Lào kŭm hăm hnam tơnŏ nhap Kơdră Quốc hội Saysomphone Phomvihane.

Ƀlep ƀât ‘măng mă âu, ƀok Kơdră Quốc hội Trần Thanh Mẫn đei jơ tơƀâp, pơma nuh hăm Tổng Bí thư, Kơdră teh đak Lào Thongloun Sisoulith. 2 păh pơma hơdăh, mă đei tơdrong kiơ, 2 Đảng, 2 teh đak păng kon pơlei 2 teh đak oei hơnơ̆ng vei kơjăp, tưk tơiung tơdrong pơvei tôch ‘lơ̆ng, mât 1 ƀơ̆r đon gĭt kăl đơ̆ng Việt Nam - Lào păng hơnơ̆ng pơtho tơƀôh ăn jơhnơr đơ̆ng rŏng dơ̆ng.