Chih lơ̆m hla bar kơ-ŭ, Thủ tướng Lê Minh Hưng chih: "Tôch 'mêm băt kơ ƀok Saysomphone Phomvihane, jang lơ̆m Hơnih tơm Chĭnh trĭ, Kơdră Kuô̆k hô̆i teh đak Lào, ƀok kơdră tơnăp, đei đon 'lơ̆ng, bơngai buăl tơguăt kơjăp hăm Đảng, jơnŭm pơgơ̆r teh đak păng kon pơlei Việt Nam.

Ƀok ling lang akŏm đon bơnôh kăp gĭt păng đei lơ tơgop lơ̆m tơdrong hơtŏk jang tơbôl, tơguăt tơguăl, jang hơdoi tôm tơdrong đơ̆ng Việt Nam păng Lào. Tơdrong mă ƀok Saysomphone Phomvihane lôch hơchăng ưh hơdrô̆ jĭ tơdrong hiong răm tih tên hăm Đảng, teh đak păng kon pơlei Lào 'nhŏng oh, atŭm hăm noh adoi jing tơdrong hiong răm tih tên hăm Đảng, teh đak păng kon pơlei Việt Nam”.