Tổng Bí thư, Kơdră Teh đak Tô Lâm pơma hơdăh, hop akŏm 'noh mĭnh tơdrong pơcheh đei tơdrong 'lơ̆ng hơ iă lơ̆m khei 'năr pơvei Jang hơdai gĭt kăl tôm tơdrong đơ̆ng Việt Nam păng Ô-xtrây-li-a tŏk bŏk hơtŏk tơ iung tôch 'lơ̆ng hơiă roi năr roi yak mơ̆t jrŭ, tơpă păng jơnei, mă kăl ‘noh lơ̆m dôm tơdrong gô tơchơ̆t tơdrong kĕ pơjei păng tơdrong hơnŭk hơnoa đơ̆ng rim teh đak lơ̆m lơ chăl sơnăm kơnh.

Tổng Bí thư, Kơdră teh đak tơbăt, hăm Việt Nam, hơtŏk tơiung khoa hŏk, kơmăy kơmŏk, tơplih 'nao pơcheh hơgei păng khŭl jang hơgei ưh khan lăp jing tơdrong rơih iŏk, mă hlôi jing ‘meh vă kăl vă bơ̆jang kiơ̆ hơmĕng jing teh đak pơdrŏng, đei iŏk yua lơ lơ̆m sơnăm 2045. Yua thoi noh, Đảng, Teh đak Việt Nam hlôi pơjing đei trong jang hơtŏk tơiung 'nao, lơ̆m noh tơdrong hlôh vao, khoa hŏk, kơmăy kơmŏk, tơplih 'nao pơcheh hơgei, tơplih kơsô̆ păng mơ̆t jang hơdai apŭng plĕnh teh đei băt hơdăh jĭ dôm tơdrong jang tŏk tơm kơ mŭk drăm.