Kiơ̆ tơdrong tơchơ̆t, ƀok Đinh Xuân Diệu – Kơdră vei lăng kon pơlei apŭng Krông Pach đei pôk pơm Kơdră Anih vei lăng dôm tơring jang kơmăy kơ dêh char Đăk Lắk.

Pơma tơ̆ jơ iŏk kơchư̆k, ƀok Đinh Xuân Diệu tơƀôh đon hơiă mưh đei kơdră chĕp kơ̆l đảng dêh char lui, pơjao ăn tơdrong jang ‘nao; hơngăh vă hơnơ̆ng hŏk pơhrăm, hơtŏk jơhngâm đon jang chinh trĭ, đon hlôh vao, tưk tơiung đon jang tơnăp, kơchăng băt hơdăh rim tơdrong; hơtŏk tơdrong mât 1 ƀơ̆r đon kŭm hăm khul vei lăng dôm tơring jang kơmăy kơ dêh char jang ‘lơ̆ng dôm tơdrong jang đei pơjao. Adrol kơ ‘nŏh, ‘năr 25/10, Anih kanh sat dăr hơlen, Anih tơm vei lăng Công an tơkêng ƀok Bùi Văn Từ - Kơdră Anih vei lăng dôm tơring jang kơmăy dêh char Đắk Lắk vă dăr hơlen, pơm hơdăh tơdrong yoch "iŏk pơgâm jên".